ঈৰ্ষা
---------
মূল : অংশুমান কৰ (বাংলা)
অসমীয়া অনুবাদ : কুমুদ ঘোষ
---------------------------------
দিন যেতিয়া বিষণ্ণতাৰে আৱৰা
ৰাতি, অসময়ত মাত দিয়ে এজনী চৰায়ে
যেতিয়া বাৰেপতি একেটা কথাৰে হৈ পৰে অন্য অৰ্থ
ঘৰলৈ উভতি দেখোঁ
কথা পতাৰ বাবে কোনো নাই
কেৱল ভাব-লেশহীন চাৱনিৰে চাই আছে
চকী-মেজ আৰু
হোটেলৰ পৰা কিনি অনা মটৰ-পনিৰ
আৰু তিনিখন ৰুটিয়ে
তেতিয়া
কথা কোৱাৰ কোনো প্ৰয়োজন নাই বুলিয়েই
বোবা মানুহবোৰলৈ বৰ ঈৰ্ষা হয়৷
-------------------
বি: দ্ৰ: কবিৰ অনুমতি সাপেক্ষে অনূদিত ।
No comments:
Post a Comment