লখিন্দৰ
-----
মূল :অংশুমান কৰ (বাংলা)
অসমীয়া অনুবাদ : কুমুদ ঘোষ
----------------------------------
আকৌ ভাগিল শইচৰ কেঁচা ঘুমটি
আকৌ শব্দত জুই, বিস্ফোৰণ
শামুকৰ পেটৰ মুকুতাৰ দৰে সেয়া
আকৌ জাগিছে জনতা জনাৰ্দন
পুৰুলিয়াৰ পৰা আহিছে পলাশ তৰু
ঝাড়গ্ৰামৰ পৰা আহিছে শিমলু শাল
তৰ্জন-গৰ্জনৰ সমুখত নহৈ নতশিৰ
এই চুকৰ পৰা সেই চুকলৈ লালে-লাল
মোৰ ভাল নহয়, কিন্তু তুমিতো আছা
অবাক নহ’বা কঙ্কালসাৰ চেহেৰাৰ ডেকা ল’ৰা
আকাশ কঁপোৱা তোমাৰ শ্ল’গানত হঠাৎ
মোৰ শঙ্খ-কণ্ঠ বিচাৰি পালা
জয়-পৰাজয় আজি নহয় বিচাৰ্য
অশীতিপৰৰো শৰীৰত তগবগ তেজ
সেই তৰঙ্গত মেলি দি কলৰ ভুৰ
মাঘৰ চহৰলৈ আহিল ফাগুন৷
-------------------
বি: দ্ৰ: কবিৰ অনুমতি সাপেক্ষে অনূদিত ।
No comments:
Post a Comment