গছ
-------
মূলঃ অংশুমান কৰ (বাংলা)
অসমীয়া অনুবাদঃ কুমুদ ঘোষ
-------------
এমাজনত অৰ্ডাৰ দি কিনি আনো
জৈৱ মৃত্তিকা
তাৰ সৈতে মিহলাওঁ
ইটো-সিটো
মালীয়ে ঠিক যি যেনেকৈ কয়।
চাওঁ গছপুলিজোপাৰ গুৰিৰ মাটি তিতি আছে নে নাই
সেয়া চাই পানী দিওঁ।
য'তদূৰ সম্ভৱ যতন লওঁ।
তথাপি
কোনো কোনোজোপা গছপুলি মৰে
নাবাচে।
আকৌ ইমানবোৰ যতন নকৰাকৈয়ে
তাৰ কাষৰ গছপুলিজোপা ডাঠ সেউজীয়া হৈ উঠে,
ৰঙা বগা ফুল ফুলে।
গছ
কেৱল গছ নহয়
সম্পৰ্ক। ∆
No comments:
Post a Comment