অসময়
----------
কুমুদ ঘোষ
---------------
ঘটিব লগাবোৰ নঘটে
নঘটিব লগাবোৰ ঘটি থাকে প্ৰতিনিয়ত।
মৰা মাছৰ দৰে উপঙি আছোঁ
যুদ্ধ আৰু দুৰ্ভিক্ষৰ সমুদ্রত।
নীতিৰ বাবে ভাগ হৈছে নীতি
নীতিবাগীশে এৰিছে থৰ-কাছুটি।
মৰি মৰি নমৰা ক্ষণত
পাহৰি যাওঁ নাম ধাম, সঠিক ঠিকনা।
চকুৰ আগত বেলতলা,
বুঢ়া আঙুলি দেখুৱাই
সৌৱা বাঢ়ি আহিছে মৃত্যুৰ পাহাৰ।
ধূপ-ধূণাৰ গোন্ধ, আত্মীয়ৰ চিতা
নাকত লাগে এক।
নিজৰ ওচৰত নিজেই এতিয়া এক বিষ্ময়।
No comments:
Post a Comment