জীৱন
----------
মূল : অংশুমান কৰ (বাংলা)
অসমীয়া অনুবাদ : কুমুদ ঘোষ
----------
প্ৰাণ, মানে বায়ু, যেতিয়া নিৰ্গত হয়
কোনোৱে তাক আৱদ্ধ কৰিব নোৱাৰে।
পানী, মানে সোঁত, যেতিয়া উটুৱাম বুলি ভাবে
কোনো বান্ধেই তাক পোহ মনাব নোৱাৰে।
আৰু তাক জানো কোনোবাই
কাহানিবা ধৰিব পাৰিছে?
নিজৰ ইচ্ছানুসাৰে ঠিক গুচি যায় সেই বহ্নি - পোহৰ।
ধৰি থ'ব নালাগে, একোৱেই ধৰি থ'ব নালাগে
মুঠি মেলি থোৱা ভাল।
-------------------
বি: দ্ৰ: কবিৰ অনুমতি সাপেক্ষে অনূদিত ।
